Plantun de Prouvènço

Pèr coumpara dos planto d'encò nostre

Anogramma leptophylla & Arundo donax

Anogramma leptophylla

Pteridaceae Adiantaceae

Nom en français : Anogramma à feuilles minces.

Descripcioun :
Aqueste féuse, pas bèn gros, trachis sus li roucas séusous de Prouvènço. Fai dos meno de foundo, li "d'en deforo" soun coumpausado de tros en ventau alor que li "d'en dedins" soun pulèu mai fino à-n-aquéu moumen. La planto viéu mai qu'uno annado, mai fa de foundo soulamen un an (espouroufito de l'an ço qu'èi proun rare).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 15 cm
Fueio : Foundo
Tipe bioulougico : Geoufite
Cicle bioulougico : Planto renadivo

Gènre : Anogramma
Famiho : Pteridaceae
Famiho classico : Adiantaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms Ivèr

Sòu : Si
Autour basso e auto : 0 à 800 m
Aparado : Noun
Mars à jun

Liò : Roucas umide - Pelouso umido
Estànci : Termoumediterran à Subremediterran
Couroulougi : Cousmoupoulito
Ref. sc. : Anogramma leptophylla (L.) Link, 1841

Cano

Arundo donax

Poaceae Graminaceae

Autre noum : Canié.

Noms en français : Canne de Provence, Roseau à quenouilles.

Descripcioun :
La cano que ié dison "de Prouvènço" es uno plano bèn couneigudo emé si grando e gròssi tijo lignouso d'enviroun 3,5 cm de diamètre, si long rizoumo espès e si fueio verdalo de 2 à 5 cm de larg.

Usanço :
La cano que nous vèn dóu cèntre de l'Asìo, fuguè proun plantado pèr proutegi li culturo dóu mistral. Nòstis àvi se n'en servien pèr gaubeja mant'uno besougno : pèr eisèmple pèr apara li det dóu tai dóu voulame (li dedau) o enca pèr acroucha lou calèu (la moco). Lou rizoumo èi manjadis (li fueio peréu, mai soun proun amaro) cue (rousti o bouli) o adouba en farino pièi mesclado à d'autro. Emai èro pas gaire emplegado coume planto vertuouso, aro d'ùni prouprieta soun estado troubado coume dins la dessensibilisacioun pèr l'alergìo.